Stagnatari
Chi cuntenti i stagnatari!
Frisca e cantunu priati
sistimannu li cuartari
cu pignati e cannalati.
Se ci puorti li pateddi
o ‘i vagghili spurtusiati,
tê rizzettunu ciù beddi
e tê truovi assistimati.
‘Na camella c’ha gghittari,
‘n-culapasta ca nun zervi,
ti li puortunu a brillari…
‘ntê sa manu nenti pierdi.
Pizziami fatta ‘i stagnu
su’ cuntenti ‘i rripizzari,
la sô arti bona sannu…
Ma unni su’ ciù i stagnatari?!
Gianni Di Giorgio
Devi essere membro di IngegniCulturaModica per aggiungere commenti!
Partecipa a IngegniCulturaModica