Questo Santo Rosario veniva recitato in dialetto siciliano nella mia Augusta negli anni passati. Mia nonna lo insegnò a mia madre come segno di devozione e affetto per la Santa Madre di Dio. Io a sua volta mi son fatto dare il testo per non disperderne la memoria e per farlo conoscere e apprezzare da tutti coloro che amano le antiche tradizioni.
Misteri Gaudiosi (Lunedì e Giovedì)
1) Diu ci manna na nbasciata
e di l’angilu fu purtata
è lu figghiu di Diu Patri
e Maria fu fatta matri.
O gran vergini Maria mi ni cunsolu assai di Vui Maria.
2) Vi partistuvu cun gran fretta
ne la casa di Lisabetta
San Giuvanni nun na natu
fu di Diu santificatu.
O gran Vergini Maria mi ni cunsolu assai di Vui Maria.
3) Ni na povera mangiatura
parturiu la Gran Signura
fici a Gesù Bambineddu
in mezzu a n’vuoi e l’asineddu.
O gran Vergini Maria mi ni cunsolu assai di Vui Maria.
4) Comu l’autri fimmineddi
piccatrici e puvireddi
ne la cresia vui vinistuu
e Gesuzzu vui l’offristuu.
O gran Vergini Maria mi ni cunsolu assai di Vui Maria.
5) A Gesuzzu lu pirdistuvu
lu circastuvu e lu viristuvu
ca nsignava la dottrina
sapienza sua divina.
O gran Vergini Maria mi ni cunsolu assai di Vui Maria.
Misteri Dolorosi (Martedì e Venerdì)
1) Gesù a l’ortu si disponi
e pi fari orazioni
sta pinzannu a lu piccatu,
sangu veru Diu ha suratu.
O gran Vergini Maria la vostra pena è ncuori miu.
2) A Gesuzzu lu pigghiaru
lu pigghiaru e lu attaccaru
li so carni flagellati
cu seimila vastunati.
O gran Vergini Maria la vostra pena è ncuori miu.
3) Re di iuncu ncurunatu
cu na canna flagillatu
chi duluri in testa prova
fuoru spini comu chiova.
O gran Vergini Maria la vostra pena è ncuori miu.
4) A la muorti fu cunnannatu
comu nu latru scialaratu
e la cruci n’cuoddu porta
nuddu c’è ca lu cunforta
c’è la Vergini Maria
la vostra pena è ncuori miu.
5) A la vista di so Matri
crucifissu cu du latri
Maria a forza di duluri
trapassau lu Redentori.
O gran Vergini Maria la vostra pena è ncuori miu.
Misteri Gloriosi (Mercoledì, Sabato e Domenica)
1) Gesù già risuscitau
di la muorti triunfau
cuomu re di trionfanti
scarcirau li patri santi.
O gran Vergini Maria mi ni rallegru assai di Vui Maria.
2) Duopu li quaranta iorna
Gesù Cristu ncielu torna
e Maria cu li so amici
si lu abbrazza e binirici.
O gran Vergini Maria mi ni rallegru assai di Vui Maria.
3) Dieci iorna già passaru
e l’Apostuli a Diu priaru
Maria Vergini ammantinni
e lu Spiritu Santu vinni.
O gran Vergini Maria mi ni rallegru assai di Vui Maria.
4) Vinni l’ora di partiri
Maria ncielu e puoi guariu
e chi bella sorti fu
ne li braccia il miu Gesù.
O gran Vergini Maria mi ni rallegru assai di Vui Maria.
5) Maria in cielu triunfau
l’arma e u corpu ncielu entrau,
ncurunata fu rigina
pi l’eternità divina.
O gran Vergini Maria mi ni rallegru assai di Vui Maria.
Gioacchino Cacciaguerra